dear master,

try ko lang magsulat ng marami at ng bongga sa isang gabing puyat at tinamaan ng halo halong vodka, lambrini at bacardi breezer.

namomoblema na naman ako.namomroblema na naman ako dahil sa maling pagpili ng mamahalin. ilang beses na akong nagkamali dahil sa iba't ibang dahilan. siguro lahat ng yon ay nag-uugat sa pagkakaroon ng hindi matapos na takot na magmahal at masaktan. nang yumakap at iwanan.

enter: master.
palage ka nalang online. pero ndi kita kinakausap. sabe mo nga.. 'maghingahan nalang muna tayo' isang taon mahigit na rin yata ang nakalipas simula nang makapagkwentuhan tayo. ikaw ang nagturo saken na bawat ng tao ay may iba ibang version depende sa mga taong kahalubilo nila. hindi ko alam kung anu eksakto ang version ko nung tayo ang magkasama, bukod sa magkasama tayong nagalmusal at tumambay sa erpats mong kay tagal mo nang hindi nakita.

naaalala ko kung pano mo langhapin ang mahaba kong buhok nun. kung pano mo ako pinatawa. kung pano mo ako niyakap. ay higit sa lahat, kung pano mo ako nirespeto.

ngaun ikaw, higit sa lahat ng taong nakakilala sakin.. ikaw pa ang palage kong takbuhan. mapa-pilipinas o mapa-uae, handa kang makinig at magtsaga sa out of this world kong mga kwento.
salamat ha, kase sa mga panahong naghahanap ako ng sarili ko, andun ka para ipaalala sakin kung sino talaga ako..masaya ako. masaya akong masaya ka, hindi man ako ang kasama mo ngaun, nararamdaman ko pa rin naman na kaya mong patunayan ang sinabi mong kahit kailan ay nandyan ka pa rin palage sa tabi ko.

(buburahin ko ba tong vodka-driven na post na ito?)

master!!
ano ba naman ang gagawin ko kung wala ka?
salamat sa ilang oras na usapan sa gagawin ko sa nakakawindang kong sitwasyon.
mabuti na lamang at may YM.
mabuti na lamang at nanjan ka palage.
mabuti na lamang.

isang araw babati ako sayo sa ym at sasabihin kong napulot ko nang muli ang sarili ko.
na handa na akong magmahal ulit.
na nakita ko na ang pinakahahanap kong mamahalin at magmamahal sakin.

sana hindi na magtatagal yun, master.