10 minutes sa mars

kung merong isang bagay tungkol sa yo na hindi ko makakalimutan sa panahong magkasama tayo..

iyon ay iyong mga mata mo..

mga matang kumikislap, tila nangungusap..

mga matang hindi marunong magtago ng emosyong nakapaloob sa iyong katauhan.

tanging mga mata mo lamang ang una kong nasisilayan pag tayo'y magkikita.

'baba ka na, 10 minutes andyan nako'

yan ang template naten twing dadaanan mo ako sa condo.

hindi yan nababago.

umaga, tanghali, gabi..umulan man o umaraw..

sigurado ako dyan!!

ako naman masunurin..bababa nako agad..

dala ang pusong puno ng pananabik na ika'y mayakap, mahawakan o masilayan man lamang kahit saglit.

sampung minuto ang lakad at paghihintay sa elevator pababa ng condo..

nasa harap na ako..

nawawala ka na naman..

tagal mo!!

natrafik kna naman ba?

wala kna naman bang maparkingan?

sa wakas.. makikita na kita tumatawid mula sa kabilang kalsada..

'10 minutes sa mars na naman!!', bati ko sa yo..

pupungayan mo lamang ako ng yong mga mata..

sabay halik sa aking mga labi.

mabilis, magaan, parang nakasanayan na lamang.

tila isang halik na kaya nateng ulit ulitin sa bawat araw ng ating mga buhay.

isang halik na kaya kong ipagpalit ang 10 minutes sa mars na aking ipinaghintay.